Ерөнхийлөгчийн БНХАУ-д хийсэн айлчлалын багийнхан тусгаарлалтаас гарчээ

Ерөнхийлөгч Х.Баттулга өнгөрсөн сарын 27-нд БНХАУ-д албан ёсны айлчлал хийсэн билээ. Шинэ төрлийн коронавирусийн халдварын голомтын бүсэд айлчилсан тул Монголд ирсэн даруйд нь Ерөнхийлөгч болон айлчлалын багийнхныг тусгаарласан юм. Айлчлалын багт Гадаад харилцааны сайд Д.Цогтбаатар, ОБЕГ-ын дарга Т.Бадрал, ЕТГ-ын дарга Ө.Шижир, Ерөнхийлөгчийн Гадаад бодлогын зөвлөх Т.Тэгшжаргал нарын 10 гаруй хүн багтсан.

Тэдний шинжилгээний хариу сөрөг гарч, тусгаарласан 14 хоногийн хугацаанд ямар нэгэн шинж тэмдэг илрээгүй тул Ерөнхийлөгч Х.Баттулга өнгөрсөн даваа гарагт тусгаарлалтаас гарсан. Тэрээр тусгаарлалтаас гарсан дариуд ҮАБЗ-ийг хуралдуулж, Засгийн газарт чиглэл өгсөн байдаг.

Харин айлчлалын багийнхан өнөөдөр тусгаарлалтаас гарч байгаа аж.