Сэргэлэн суманд түймэртэй байна
Дорнод аймгийн Сэргэлэн сумын хоёрдугаар багийн нутагт хээрийн түймэр гарсан дуудлага дээр Зүүн бүсийн Онцгой байдлын алба хаагчид ажиллаж байна. Мөн өнөө өглөө 10.30 цагийн үед Цагаан-Овоо сумын гуравдугаар багийн нутаг Бухт гэдэг газар хээрийн түймэр гарсан тухай дуудлага ОБГ-т ирүүлжээ. Салхины хүч их байгаа учир уг түймэр улам газар авч Сэргэлэн сумын нутагт тархан ассаныг Онцгой байдлын газрын нэг, хоёрдугаар ээлжийн аврагчид, нутгийн иргэдийн хүчээр 14.30 цагт унтраасан гэж мэдээллээ.
Мөн өнөө өглөө 06.15 цагт Цагаан-Овоо сумын 5-р багийн нутаг “Барьхан” гэдэг газарт айлын өвөлжөө, хаваржааны малын хашаа шатсаныг нутгийн иргэд өөрсдийн хүчээр газар авахуулалтгүй унтраасан байна.
