Шанхай зөвхөн Пудун буудалд олон улсын нислэг авна

Шанхай хотын Хунчяо олон улсын нисэх онгоцны буудал олон улс, Хонконг, Макао, Тайваний нислэгүүдийг хүлээн авахыг түр зогсоож, зөвхөн Шанхай хотын Пудун нисэх буудалд 3 дугаар сарын 25-ны өдрийн 00:00 цагаас эхлэн олон улс, Хонконг, Макао, Тайваний нислэгийг хүлээн авахаар болсон байна.
Шанхай хотын өвчний урьдчилан сэргийлэх, хянах удирдлагын хэсэг БНСУ, Филиппин, Иран, Итали, Франц, Испани, ХБНГУ, АНУ, Их Британи, Швейцарь, Швед, Бельги, Дани, Австри, Нидерланд, Норвеги, Австрали, Малайз, Грек, Чех, Финланд, Катар, Канад, Саудын Араб зэрэг 24 улсыг өвчний голомтот улсын жагсаалтад оруулж, 3 дугаар сарын 23-ны өдрөөс эхлэн эдгээр улсад сүүлийн 14 хоногт зорчсон түүхтэй дотоод, гадаадын иргэдийг гэр нь эсвэл нэгдсэн тусгаарлалтад оруулж эрүүл мэндийн ажиглалт хийхээр шийдвэрлэсэн байна.