Г.Нэргүй: Угаарын хийнд хордсон гэх дуудлага цөөрсөн

Нийслэлийн Онцгой комиссын хуралдаанаар сайжруулсан шахмал түлштэй холбоотой асуудлаар цаг үеийн мэдээллийг тогтмол хийхийг үүрэг болгосон. Үүний дагуу Нийслэлийн Онцгой байдлын газар, Нийслэлийн Мэргэжлийн хяналтын газар, Эрүүл мэндийн газар, Агаарын бохирдолтой тэмцэх газраас угаарын хордлогын цаг үеийн мэдээллийг иргэдэд хүргэж ажиллаж байна. Өнөөдрйин мэдээллийг  Нийслэлийн Онцгой байдлын газрын Гамшгаас урьдчилан сэргийлэх хэлтсийн дарга, хурандаа Г.Нэргүй хийлээ. 
Нийслэлийн Онцгой байдлын газрын Гамшгаас урьдчилан сэргийлэх хэлтсийн дарга, хурандаа Г.Нэргүй “Хоногийн хугацаанд Яаралтай түргэн тусламжийн төвд угаарийн хийнд хөнгөн хүнд хэлбэрээр хордсон нийт 15 өрхийн 42 иргэн хандсан. Үүнээс 19 хүүхэд, 23 том хүн дуудлага өгсөн. Аравдугаар сарын 16-ны өдрийн 06:00 цагийн байдлаар таван том хүн, хоёр хүүхэд эмнэлэгт хэвтэн эмчлүүлж байна” гэлээ. Түүнчлэн угаарын хийнээс болж угаартсан, хордсон гэх дуудлага харьцангуй багассан учраас өдөр болгон мэдээлэл хийх хугацааг долоо хоногт хоёр удаа болгож, даваа, пүрэв гарагийн 10:00 цагаас хийж байхаар Нийслэлийн Онцгой комиссоос шийдвэр гаргасан байна. 
Сайжруулсан  шахмал түлшний зөв хэрэглээ, пийшин зуухны галлагааны аюулгүй байдлын талаарх зөвлөмж, сэрэмжлүүлгийг төвийн зургаан дүүргийн 220 мянган өрхөд хүргэж ажилласан байна. Мөн төвийн зургаан дүүрэгт нийт 46733 төслийн зуух, 41483 ердийн зуух, 44179 ханан пийшин, 15652 нам даралтын зуух хэрэглэж байгаа судалгааг  нийслэлийн Онцгой байдлын ерөнхий газраас гаргажээ. 
Нийслэлийн ЗДТГ-ын Хэвлэл мэдээлэлтэй харилцах хэлтэс
скачать dle 12.0

Холбоотой мэдээ

Сэтгэгдэл үлдээх

Irgen 2019/10/21 08:40
Shahmal tulsh ih sain tulsh baina lee. Ilch saitai utaa tortoggui yamar neg unergui mash sain tulsh baina lee. Uu helhed uns ihtei busdaar dajgui. Tavan tolgoi HHK nii ajilchid hsmtolond ajliin amjilt husye. Bayarlalaa

Zochin 2019/10/23 15:22
Tvlsh sain bna le ajilin amjilt xvsie