“Зөвшөөрөгдсөн 14 байгууллагын ажилчид заавал PCR шинжилгээний бичигтэй зорчино“
Нийслэлд бүх нийтийн бэлэн байдлын зэрэгт шилжээд 5 хонож байна. Тэгвэл үйл ажиллагааг нь зөвшөөрсөн 14 төрлийн байгууллагын ажилчдаас өнөөдрөөс буюу 2 дугаар сарын 15-наас эхлэн хувийн машинаар болон нийтийн тээврээр зорчиход заавал PCR шинжилгээнд хамрагдсан байж ажилдаа явах шаардлагыг цагдаагийн байгууллагаас тавьж байна.Тодруулбал, зөвшөөрөлтэй 14 байгууллагын ажилтнууд замын хөдөлгөөнд оролцохдоо гэр-ажил-гэр гэсэн чиглэлийг баримталах бөгөөд биедээ заавал ажлын үнэмлэх, иргэний үнэмлэх болон авч явна. Дээр нь голомтолсон бүсүүдээс өвчин гадагш тархаахгүйн тулд заавал PCR шинжилгээ өгсөн байхыг жолооч болон зорчигчоос шаардах юм байна.
Үйл ажиллагаа нь зөвшөөрөгдсөн 14 төрлийн байгууллагууд:
- Эрчим хүч, дулаан, усан хангамж, ариутгал, хог хаягдал, нийтийн аж ахуй, инженерийн хангамж
- Эрүүл мэндийн байгууллага, эм, эмнэлгийн хэрэгсэл, ханган нийлүүлэх
- Улсын онц чухал болон стратегийн ач холбогдол бүхий объект, байгууллага /"УБТЗ" ХНН, "Чингис хаан", ИНЕГ, түүний харьяа алба салбар, “Буянт-Ухаа” олон улсын нисэх буудал, "МИАТ" ТӨХК, "Биокомбинат" ТӨҮГ, уул уурхайн салбарын хангалт, Үндэсний дата төвийн нөөц төв, Дипломат төлөөлөгчийн газар, НҮБ-ын суурин төлөөлөгчийн газар, түүний ажилтан, албан хаагчдын 10 хүртэлх хувь ажиллах, цагийн хязгаартай/
- Тусгайлсан чиг үүрэг бүхий байгууллага
- УИХ, төрийн захиргаа, төрийн болон нутгийн өөрөө удирдах байгууллага, гааль, шүүх, прокурор, өмгөөлөл, нотариат, Сонгуулийн ерөнхий хороо /ажилтан, албан хаагчдын 10 хүртэлх хувь ажиллах, цагийн хязгаартай/
- Хүүхэд хамгааллын үйлчилгээ, асрамж халамжийн төрөлжсөн байгууллага, МУЗН
- Хүнсний үйлдвэрлэл, тээвэрлэлт, түгээлт, худалдаа
- Мал, амьтны өвс, тэжээлийн тээвэрлэлт, түгээлт
- Газрын тосны бүтээгдэхүүн, түлшний хангамж, түгээлт, тээвэрлэлт
- Сайжруулсан түлшний үйлдвэрлэл, нийлүүлэлт, тээвэрлэлт, түгээлт
- Банкны цахим болон автомат тооцооны машин
- Хэвлэл мэдээлэл, харилцаа холбоо, шуудан, илгээмж
- Зөвшөөрөлтэй харуул хамгаалалтын байгууллага
- Оршуулгын үйл ажиллагаа
