Нэр дэвшинэ гэх нэрийдлээр цааш үргэлжлүүлэх карьергүй хүмүүс ч ажлаа өгч байна

Сонгуульд нэр дэвшинэ хэмээн ажлаа өгсөн эрхмүүдийн нэрс салбар бүрээс тодорсоор байна. Зарим нь ч үнэхээр нэр дэвшинэ хэмээн албан ёсоор зарласан, цахим хуудсаараа мэдэгдсэн нь ч бий.

Харин тэдэнтэй зэрэгцээд цааш үргэлжлүүлэх карьер ч үгүй болоод албан шахаанд ороод ажлаа өгсөн хүмүүс ч байгааг эх сурвалжууд хэлж байна. Тэд өөрсдийн ажиллаж байсан газартаа багтаж шингэх зайгүй болсондоо сонгуульд нэр дэвшинэ хэмээн ажлаа өгч байгаа хүмүүсийн дүүгээнд албан тушаалаасаа цэвэрхэн гэгч нь ховхорч байгаа сурагтай.

Магадгүй тэд улсын мөнгө идэж уучихаад, хэзээ  илчлэгдэх бол хэмээн чичирч суусан юм биш биз. Манай төрийн албаны дарга нарын нийтлэг төрх юм хойно хардахаас ч яах вэ. Хардах эрх хүн бүрт бий.

Тиймээс уулын мод урттай богинотой гэгчээр ажлаа өгч байгаа хүмүүс ч янз бүр бололтой. Тэднийг сонгуульд өрсөлдөх нь гэж шууд дүгнэхэд хэтэрхий эрт бололтой. Хэн нь сонгуульд жинхэнээсээ өрсөлдөх гэж байна, хэн нь ямар ч карьергүй, орон зайгнүй болоод шахагдаад ажлаа өгч байна гэдэгт цензуртай хандах хэрэгтэй болох нь.

Удахгүй хэн нь хэн бэ гэдэг нь тодорхой болох байх даа.