Хүчтэй шороон шуурганы улмаас Бээжинд онцгой байдал зарлажээ
Бээжин хот Өвөр Монголоос ирсэн шороон шуурганд дарагдсан гэж БНХАУ-ын Цаг уурын удирдах газар мэдээллээ. Хүчтэй шороон шуурганы улмаас тус хотын хоёр нисэх буудлаас хөөрөх байсан 400 гаруй нислэг цуцлагдаж, автозамын хөдөлгөөнд саатал гарсан байна. Улмаар Бээжин хотыг тойрон орших Ганьсу, Шаньси, Хэбэй мужуудад ч шар түвшний түгшүүр зарласан байна.Түүнчлэн энэ жилийн шороон шуурга сүүлийн 10 жилд тохиогоогүй хүчтэй болж буйг Хятадын Үндэсний Цаг Уурын хүрээлэн тодотгосон бөгөөд хамрах газар нутгийн хувьд урьд өмнө үзэгдээгүй өргөн хүрээнд болсон байна. Тухайлбал баруун хойд Шинжаанаас зүүн хойд Хэйлунзянь муж, далайн эргийн боомт хот Тяньжин хүртэл нийт 12 засаг захиргааны нэгжийг хамарсан тухай мэдээлжээ.
