Украины баруун хэсгийн агуулахууд тусламж хүлээн авах, түгээх төв болсон

Сайн дурын эм зүйч Галина хэлэхдээ, аюултай бүс нутгаас хотод ирж буй хүмүүст антисептик, шарх эмчлэх тос, хүйтэн эм, боолт, хөвөн, бээлий, маск зэрэг эмүүд өгч байна. Тус хотын захирагч Руслан Марцинкив Европын холбооны орнууд Украинд Оросын дайны үр дагаврыг даван туулахад нь тусалж байгаад талархав.
• Роман Пычыжак - НИТХ-ын Соёл, аялал жуулчлалын газрын дарга
Эдгээр өдрүүдэд бид Польш, Германы түншүүдээс тусламж авсан. Хүмүүнлэгийн тусламжаар дүүрэн 14 ачааны машин ирсэн. Бид Румын, Герман, Нидерланд, Бельги, Дани, Швейцарь, Грек гэсэн түнш улсуудаас тусламж авсаар байна. Би улс орнууд маш их дэмжлэг үзүүлж байгаад гайхаж, талархаж байна. Латви улсаас ч бас тусламж ирсэн.
• Галина - сайн дурын эм зүйч
Энд бид аюултай бүс нутгаас нүүлгэн шилжүүлсэн оршин суугчдын эм бэлдмэлийг ангилж бэлдэж байна. Үүнд антисептик, шархыг эмчлэх тос, хүйтэн эм, боолт, хөвөн ноос, бээлий, маск байгаа.
• Руслан Марцинкив - Ивано-Франковск хотын дарга
Европын холбооны бүх улс орнууд Украин дайсны эсрэг тэмцэхэд тусалж байна. Тиймээс би ард иргэдийнхээ нэрийн өмнөөс, фронтод байгаа цэргүүдийнхээ нэрийн өмнөөс, Ивано-Франковск шилжин нүүж буй суурьшигчдын нэрийн өмнөөс талархал илэрхийлье. Бидэнд энэ тусламж үнэхээр хэрэгтэй байсан.
Эх сурвалж: A24 News Agency