Аврах бүлэг Гүрмийн нууранд үүрэг гүйцэтгэж байна
![](/uploads/posts/2022-08/1659318182_295686986_362516836060804_3843311891281099756_n-75wm1hhxy1uswjp63cu22m4y1hd0zd839h3zcml3dc0.jpg)
Ажиллах хугацаандаа хийлдэг гудас, хантааз, цагирагтай хөвж нуурын төв хэсэгт хүрснээр эрэг рүү гарч чадахгүй эрсдэлт байдалд орсон дөрвөн иргэн, есөн хүүхэд, нуурын усанд хөл алдсан нэг иргэнд тусламж үзүүлж, амь насыг нь авран хамгааллаа.
Дашрамд сонирхуулахад, тус нуур нь 5.6 км2 метр талбайтай, 5 метр орчим элсэн хаялагатай, 4.8 метр гүн, химийн 20 гаруй элементийн найрлагатай эрүүл мэндийн өндөр ач холбогдолтой нуур юм.
Уг нуур нь эмчилгээний хар, шар шавартай, үе мөч, харшил, даралт ихсэх гэх мэт олон өвчнийг анагаах шидтэй, байгалийн сайхан бүрдсэн газар тул зорин очих амрагчид, аялагчдын тоо жил ирэх тусам нэмэгдсээр байгаа бөгөөд энэ зун л гэхэд 5 мянга гаруй хүн зорин очсон байна гэж Хэнтий аймгийн Онцгой байдлын газраас мэдээллээ.