Сингапурын эмч нарт Гэгээн хайрын баярын олон зурвас иржээ
Сингапурт коронавирусээр халдварласан өвчтөнүүдийг эмчлэхээр ажиллаж буй эмнэлгийн ажилтнуудадГэгээн хайрын баярын гараар бичсэн олон зурвас ирсэн байна.
Сингапурт пүрэв гарагийн байдлаар уг вирусний халдварын 50 тохиолдол бүртгэгдсэн бөгөөд эрх баригчид халдварын тархалтыг хязгаарлах чиглэлд олон арга хэмжээнүүдийг хэрэгжүүлж байгаа юм. Эмнэлгийн ажилтнуудад зориулан сургуулийн сурагчдаас өгсүүлээд олон хүн өөрсдийн сэтгэл, дэмжлэгээ илэрхийлсэн зурвасуудыг нийгмийн сүлжээний хаягууддаа нийтэлсэн байна.
“Facebook” нийгмийн сүлжээний “StandUpForSG” бүлгийн гишүүн Уолли Тхам уг санаачилгыг өнгөрсөн долоо хоногт анх гаргажээ. “Эмнэлгийн зарим ажилтныг ялгаварлан гадуурхсан талаар сонсоод, үүнийг эсрэг хөдөлгөөнийг эхлүүлэх санаа төрсөн. Би “#braveheartsg” уриалгыг ашиглан хамгийн их урам зориг хэрэгтэй байгаа эмнэлгийн ажилтнуудыг зоригжуулахыг хүссэн” гэж У.Тхам “BBC” сувагт мэдээлжээ.
Нийгмийн сүлжээний хэрэглэгчид “#braveheartsg”-ыг өнгөрсөн бямба гарагаас хойш нийт 5000 гаруй удаа ашигласан бөгөөд тэдний дунд Сингапурын Ерөнхий сайд Ли Сянь Лун багтсан байна.
