Японы "Ур чадварын шалгалт"-ыг хууль бусаар зорчоогүй бол хүн бүр өгөх боломжтой болно

Ирэх сарын  1-нээс “Ур чадварын шалгалт”-ын хамрах хүрээг өргөтгөх болсноо Японы Улсын Элчин сайдын яамнаас мэдээллээ. Одоогоор бол “Ур чадварын шалгалт”-ыг зөвхөн Япон улсад дунд болон урт хугацаанд оршин сууж байсан мөн өдгөө оршин сууж буй хүн өгөх боломжтой байсан бол дээрх өдрөөс эхлэн  Япон улсад хууль ёсны зөвшөөрөлтэй зорчиж буй болон оршин сууж буй хүн болгон өгөх боломжтой болон юм байна.  Иймд өмнө нь Япон улсад дунд болон урт хугацаанд оршин сууж байгаагүй ч шалгалт өгөх зорилгоор богино хугацаагаар зорчиж буй хүн энэхүү шалгалтыг  өгөх боломжтой аж. 

Гэхдээ уг шалгалтад тэнцсэнээр “Ур чадвартай ажилтан”-ны оршин суух зөвшөөрөл баталгаатай олгогдоно гэсэн үг биш гэдгийг тус газраас сануулав. Өөрөөр хэлбэл шалгалтад тэнцсэн хүн оршин суух зөвшөөрлийн  хүсэлт гаргах, оршин суух зөвшөөрлийн статусаа өөрчлөх хүсэлт гаргасан ч  “Ур чадвартай ажилтан”-ны оршин суух зөвшөөрөл  олгох баталгаа болохгүй гэнэ.