Нийслэлийн нутаг дэвсгэрт үйл ажиллагаа эрхэлж буй аж ахуйн нэгж байгууллагуудад давтан халдваргүйтгэх ажлыг нэгдсэн журмаар үнэ төлбөргүй зохион байгуулна

Улаанбаатар хотын Захирагчийн ажлын алба нь 2020 оны 02 сарын 08-ны өдрөөс эхлэн Нийслэлийн нутаг дэвсгэрт худалдаа үйлчилгээний чиглэлээр үйл ажиллагаа эрхэлдэг 5630 аж ахуйн нэгж, хоол үйлдвэрлэлийн чиглэлээр 3488 аж ахуйн нэгж зах худалдааны төвүүдэд ариутгал халдваргүйжүүлэлтийн тусгай зөвшөөрөлтэй 37 байгууллагуудтай хамтран 2-3 удаагийн давтамжтай ариутгах ажлыг зохион байгуулсан. Энэхүү халдваргүйтгэлд зарим аж ахуйн нэгжүүд төлбөрийн хөнгөлөлттэй үнээр буюу м.кв-ийг 200төг-өөр хийлгэж байсан бол маргаашаас эхлэх халдваргүйтгэлийг төсвийн хөрөнгөөр шийдвэрлэж аж ахуйн нэгжүүдэд нэг удаа үнэ төлбөргүй давтан хийх юм.