Нарс модны цэнэг усалгаа эхэллээ
Улаанбаатар хотын Захирагчийн ажлын албанаас 2016-2019 онд нийслэл хотод 56 байршилд нийт 8100 гаруй нарс модыг шилжүүлэн суулгаж арчилгаа, усалгаа, бордолтын ажлыг тогтмол хийж ургалт 98%-тай байна. Өнгөрөгч оны 4-р сараас 11-р сарыг дуустал хуваарийн дагуу нийт 18 удаагийн усалгааг мэргэжлийн 8 байгууллагын 30 орчим техник хэрэгслээр зохион байгуулсан бөгөөд намрын сүүлийн өдрүүдэд цэнэгт усалгаа хийж үндэстэй нь барьцалдуулан хөлдөөгөөд хаврын урин цагт буюу газар гэсмэгц усалгааны ажлыг дахин эхлүүлдэг уламжлалтай.
