“БАЯНГОЛ-НЭГ ГЭР БҮЛ” уралдааны ялагчид тодорч, шагналаа авлаа
Дэлхий нийтэд тархаад буй COVID-19 цар тахлын үед нийгэмд эерэг уур амьсгалыг бий болгох, цагийг үр бүтээлтэй өнгөрүүлэх, гэр бүлийн үнэ цэнэ, эрүүл зөв дадлыг нэмэгдүүлэх зорилгоор Баянгол дүүргийн ИТХ-ын 11 эмэгтэй төлөөлөгчид “Баянгол нэг гэр бүл” төслийг эхлүүлсэн билээ. Төслийн хүрээнд Баянгол дүүргийн иргэдийн дунд “Facebook” уралдаан зарласан бөгөөд тус уралдаанд идэвхтэй оролцож, шалгарсан гэр бүлүүдийг ИТХ-ын төлөөлөгч Н.Энхчимэг, Б.Алтанцэцэг, Ц.Түмэндэлгэр нар хүлээн авч, шагналыг нь гардууллаа. Уралдааны 1-р байранд Ц.Шинэдолгор, 2-р байранд С.Солонго, 3-р байранд Г.Энхжаргал нарын гэр бүл шалгарсан байна. Уралдаанд олон гэр бүл идэвхтэй оролцсон учраас уралдааныг зохион байгуулсан хамт олон шагналын сангаа нэмж, нийт 10 гэр бүлийг шалгаруулсан аж.
