Нийслэлийн 2020 оны “хүүхэд, гэр бүлд ээлтэй дүүрэг”-ээр налайх дүүрэг шалгарлаа
Нийслэлийн Гэр бүл, Хүүхэд, Залуучуудын хөгжлийн газар, Улаанбаатар хотын Захирагчийн ажлын албатай хамтран 3 дахь жилдээ Нийслэлийн Хүүхэд, гэр бүлд ээлтэй байгууллага, аж ахуй нэгжийг шалгаруулах үйл ажиллагааг зохион байгуулсан билээ.
2 үе шаттай зохион байгуулагдсан шалгаруулалтад 78 шалгуур үзүүлэлтийн дүнгээр Налайх дүүрэг маань нийслэлдээ тэргүүлж, Нийслэлийн 2020 оны Хүүхэд, гэр бүлд ээлтэй дүүргээр шалгарлаа.Бидний гэрэлт ирээдүй болсон хүүхэд залуучуудынхаа сайн сайхны төлөө хамтран ажилладаг нийт байгууллага, аж ахуйн нэгж, иргэд та бүхэндээ талархал дэвшүүлье.
