Ч.Хүрэлбаатарыг Төсвийн байнгын хорооны даргаар томиллоо
МАН-ын Удирдах зөвлөлөөс дараах хүмүүсийг сайдаар томилохыг дэмжсэн. - Шадар сайдаар С.Амарсайхан (УИХ-ын гишүүн)
- ЗГХЭГ-ын даргаар Ц.Нямдорж (УИХ-ын гишүүн асан)
- Байгаль орчин, аялал жуулчлалын сайдаар н.Уртнасан
- Батлан хамгаалахын сайдаар Г.Сайханбаяр (Батлан хамгаалахын сайдын үүрэг гүйцэтгэгч)
- Гадаад харилцааны сайдаар Б.Батцэцэг (Гадаад харилцааны дэд сайд асан)
- Сангийн сайдаар Б.Жавхлан (УИХ-ын гишүүн),
- Хууль зүй, дотоод хэргийн сайдаар Х.Нямбаатар (Хууль зүй, дотоод хэргийн сайдын үүрэг гүйцэтгэгч)
- Хөдөлмөр, нийгмийн хамгааллын сайдаар А.Ариунзаяа (Хөдөлмөр, нийгмийн хамгааллын сайдын үүрэг гүйцэтгэгч)
- Барилга, хот байгуулалтын сайдаар Б.Мөнхбаатар (Барилга, хот байгуулалтын сайдын үүрэг гүйцэтгэгч)
- Боловсрол, шинжлэх ухааны сайдаар Л.Энх-Амгалан (УИХ-ын гишүүн)
- Зам, тээврийн хөгжлийн сайдаар Л.Халтар (Зам, тээврийн хөгжлийн сайдын үүрэг гүйцэтгэгч)
- Уул уурхай, хүнд үйлдвэрийн сайдаар Г.Ёндон (Уул уурхай хүнд үйлдвэрийн сайдын үүрэг гүйцэтгэгч)
- Хүнс, хөдөө аж ахуй, хөнгөн үйлдвэрийн сайдаар З.Мэндсайхан (Хүнс, хөдөө аж ахуй, хөнгөн үйлдвэрийн сайдын үүрэг гүйцэтгэгч)
- Эрчим хүчний сайдаар Н.Тавинбэх (Эрчим хүчний сайдын үүрэг гүйцэтгэгч)
- Эрүүл мэндийн сайдаар С.Энхболд (Улсын хоёрдугаар төв эмнэлгийн дарга)
- Соёлын сайдаар Ч.Номин (Монгол телевизийн захирал).
Сайдад нэр дэвшигчдээс хоёр нь УИХ-ын байнгын хорооны дарга юм. Тодруулбал, Боловсрол, шинжлэх ухааны сайдад нэр дэвшигч Л.Энх-Амгалан нь УИХ-ын Төрийн байгуулалтын байнгын хороо, Сангийн сайдад нэр дэвшигч Б.Жавхлан нь Төсвийн байнгын хорооны дарга. Ийнхүү дарга нар нь сайдаар томмилогдохоор болсонтой холбогдуулан дээрх хоёр Байнгын хороо хуралдсан. Сангийн сайдад нэр дэвшигч Б.Жавхланг Төсвийн байнгын хорооны даргаас чөлөөлж, түүний оронд Сангийн сайдын үүрэг гүйцэтгэгч Ч.Хүрэлбаатарыг томилохыг дэмжсэн юм. Харин Төрийн байгуулалтын байнгын хороо даргаараа хэнийг томилохыг хэлэлцэхгүйгээр Л.Энх-Амгалан гишүүнийг Байнгын хорооны даргаас нь чөлөөлөхийг дэмжсэн. УИХ-ын чуулганаар энэ асуудлыг сая хэлэлцэж Ч.Хүрэлбаатарыг Төсвийн байнгын хорооны даргаар томиллооо.
