Өмнөговь аймгийн ИТХ-ын дарга Б.Бадраа Ерөнхий сайдын гаргасан шийдвэрийг үл тоон 275 сая төгрөгийн "LEXUS" автомашины тендер зарлажээ

Цар тахлын үед эдийн засгаа сэргээхийн тулд төрийн байгууллагууд 2021 оны төсөвийн бүсээ чангалахыг Ерөнхий сайд мэдэгдсэн. Гэтэл Ерөнхий сайдын уг зорилго хөдөө орон нутгийн хурган дарга нар хэрэгжүүлэхгүй байгаа бололтой. Тодруулбал, Өмнөговь аймгийн ИТХ өөрсдийн хэрэглээндээ зориулж 257 сая төгрөгийн 2017 оны Lexus 570 автомашины тендер зарлажээ.   Засгийн газрын хуралдаанаар 2021 онд төрийн байгууллагуудын цалин хөлсийг нэмэхгүй, шагнал урамшуулал олгохгүй, хэрэглээний автомашин болон тавилга шинээр худалдаж авахгүй, хамт олны найр наадам, 

аялал зугаалга хийхгүй, ямар нэгэн төлбөртэй нэвтрүүлэг бэлтгэхгүй байхаар шийдвэрлэсэн байдаг.  Гэтэл Ерөнхий сайдын эдийн засгаа хэмнэхийн тулд бага ч гэсэн зардал танах зорилготой тус шийдвэр Өмнөговь аймгийн ИТХ-д нөлөөлөхгүй байна. 

Улсын эдийн засаг аль жилийн өмнөөс л хүнд нөхцөл байдалд орсон. Тэр цагаас эхэлж Нийслэл Улаанбаатар хот болон хөдөө орон нутгууд эдийн засагтаа хэмнэлт хийж цар тахалтай тэмцэж ирсэн. Гэтэл Өмнөговь аймгийн ИТХ-ынхан улсын эдийн засгийг сүүлийн үеийн гоё ганган автомашин худалдан авч үрэн тарах хийж л байдаг. 

Энэхүү тендерт өндөр үнэтэй автомашины нэр болон марк зааж өгснөөрөө хууль зөрчиж байгаа төдийгүй Ерөнхий сайдын гаргасан улсын төсвийн хэмнэлтийн горимыг хатуу зөрчсөн явдал болоод байгаа юм. Эх сурвалж: BOLOD.MN