Завхан аймаг орох, гарах хөдөлгөөнөө хаалаа

Улаанбаатар хотод коронавирусийн халдварын тархалт нэмэгдсэнтэй холбогдуулан Завхан аймаг руу орох, гарах тээврийн хэрэгслийн хөдөлгөөнийг өндөржүүлсэн бэлэн байдлын хугацаа дуустал буюу 2021 оны 3-р сарын 31-ний өдөр хүртэл хязгаарласан бөгөөд тус аймаг дотроо зөвхөн Шилүүстэй сумаас бусад сум хоорондын хөдөлгөөн хэвийн үргэлжилнэ.

Буяны ажлаар ирж буй тээврийн хэрэгсэл дотроо таваас ихгүй зорчигчтой байхаар зохицуулалт хийсэн бол  Улаанбаатар хот болон бусад аймаг руу харьяаллынх нь дагуу нэвтрүүлэх юм байна. Мөн Завхан аймгаас гарч буй иргэд улсын хэмжээнд бүрэн вакцин хийж дуустал буцаж ирэхгүй байхаар өөрийн хүсэлтээ гаргасан байх шаардлага тавьжээ.