СЭРЭМЖЛҮҮЛЭГ: Могойд хатгуулсан хүүхдүүд эмнэлэгт хандах нь ихсэв
Могойд хатгуулсан бага насны хүүхдийн тоо харьцангуй их байгаа талаар ГССҮТ-өөс мэдээллээ. Өнөөдрийн байдлаар тус төвд могойд хатгуулсан дөрвөн хүүхэд хэвтэн эмчлүүлж байна.Могойд хатгуулсан тохиолдолд дараах аргыг хэрэглэнэ үү:- Хортой могойд хатгуулсан бол яаралтай эмчид хандах
- Хатгуулсан хэсгийг хөдөлгөж болохгүй бөгөөд хүчтэй хөдөлгөсөн тохиолдолд бүх биеэр хор түргэн хугацаанд тархах эрсдэлтэй байдаг
- Хатгуулсан газрын дээд талд чангалуур буюу ямар нэгэн зүйлээр чангалан судасны лугшилт мэдрэгдэхээр боох хэрэгтэй
- Шингэн зүйл их уух
-Хорны тархалтыг удаашруулахын тулд хатгуулсан хэсгийг цэвэр даавуугаар ороож боох
- Хатгуулсан газрыг амаараа сорж болохгүй
- Эмчийн зөвшөөрөлгүйгээр өвчин намдаах эм ууж болохгүй.
