Тагтны аваарын шатанд хөлөө хавчуулсан байсан охиныг аврах ангийн алба хаагчид 15 минут ажиллаж гаргажээ
Тодруулбал, Баянгол дүүргийн 29 дүгээр хороо тагтан дээр хүүхэд хөлөө төмөрт хавчуулсан байна гэсэн дуудлагыг гуравдугаар сарын 27-ны өдрийн 17:44 цагт ОБЕГ хүлээн авсан байна.
Дуудлагын дагуу Нийслэлийн Аврах ангийн алба хаагчдыг очиход Д /11 настай, эмэгтэй/ тагтны аваарын шатанд зүүн хөлийн өвдөг хэсгээрээ хавчуулагдсан байсныг 15 минут ажиллаж гарган ах Т-д хүлээлгэн өгчээ.
Хүүхдүүдийн сургууль амарсан байгаа энэ үед эцэг эхчүүд хүүхдээ хараа хянгалтгүй орхихгүй байхыг анхаарна уу!
