Эрүүл мэндийн газар зөвлөгөө өгөх утас ажиллуулж эхэллээ

Хөвсгөл аймгийн Эрүүл мэндийн газар шинэ коронавирусний халдвараас урьдчилан сэргийлэх зөвлөгөө өгөх утас ажиллуулж эхэллээ.

Халдварын сэжигтэй тохиолдолтой хамт байсан, халдвар бүртгэгдсэн улс орнуудаас ирсэн бол шууд утсаар яаралтай зөвлөгөө мэдээлэл авах боломжтой гэнэ. Мөн иргэдийгшинэ төрлийн коронавирусний халдвараас хэрхэн урьдчилан сэргийлэх талаар асууж тодруулах шаардлагатай бол ажлын цагаар Эрүүл мэндийн газрын 7038-3334, оройн цагт Нэгдсэн эмнэлгийн Халдвартын тасгийн 7575-8800 дугаарт холбогдох боломжтой аж.

Хамгийн гол нь шинэ төрлийн коронавирүсний халдвараас мэргэжлийн байгууллагуудаас гадна иргэд өөрсдийн ариун цэврийг сайн сахиж, илчлэг хоол хүнс хэрэглэж, бага насны хүүхдийг олон нийтийн газраар авч явахгүй байх хэрэгтэй байна гэдгийг Хөвсгөл аймгийн Эрүүл мэндийн газраас анхааруулж байлаа.