Маскны үнэ нэмсэн "Монос" ХХК -д зөрчлийн хэрэг үүсгэлээ

Шударга өрсөлдөөн хэрэглэгчийн төлөө газар нь маскны үнийг нэмж зарсан гэж "Монос" хязгаарлагдмал хариуцлагатай компанид зөрчлийн хэрэг нээжээ.Шинэ коронавирусийн халдвараас урьдчилан сэргийлэхийн тулд иргэдийг тогтмол амны хаалт хэрэглэхийг эрүүл мэндийн байгууллагаас зөвлөж буй. Гэтэл маскны хомсдол үүсч буйг далимдуулан "Монос" нь 2000 төгрөгөөр борлуулж байсан N95 маскыг 5000-7000 төгрөгөөр борлуулж байжээ. Тиймээс Шударга өрсөлдөөн хэрэглэгчийн төлөө газраас зөрчлийн хэрэг үүсгэсэн бөгөөд хуулийн дагуу торгуулийн арга хэмжээ авах ажээ.Эх сурвалж: Mongolcomment.mn