Тээврийн хэрэгслийн албан татвараа цахимаар төлөх боломжтой

Таны эзэмшиж буй автомашины улсын дугаар 2, 7 тоогоор төгссөн бол хоёрдугаар сард тээврийн хэрэгслийн албан татвараа төлнө.

Томуу, томуу төст өвчлөл болон шинэ төрлийн коронавирусын халдвараас урьдчилан сэргийлэх, эрсдэлийг бууруулахын тулд иргэдэд төрийн үйлчилгээг мэдээллийн технологийн дэвшилтэт системүүдийг ашиглан цаг зав, мөнгөө хэмнэх боломжоор хангаж байгаа билээ. Өөрөөр хэлбэл, цаг хугацаа, орон зайнаас үл хамаарч нийслэлээс үзүүлж буй төрийн үйлчилгээг цахимаар доорх хувилбараар авах боломжтой юм.

Тээврийн хэрэгслийн нэгдсэн цахим үйлчилгээний www.smartcar.mn систем ашиглан иргэн та автотээврийн болон өөрөө явагч хэрэгслийн албан татвар, агаарын бохирдлын төлбөр, авто зам ашигласны төлбөрийг аль ч банкны онлайн гүйлгээний эрхтэй төлбөрийн карт, QPay үйлчилгээгээр дамжуулан төлбөрөө төлөх бүрэн боломжтой. Тухайлбал, таны эзэмшиж буй автомашины улсын дугаар1,6 тоогоор төгссөн бол НЭГДҮГЭЭР сард

2,7 тоогоор төгссөн бол ХОЁРДУГААР сард

3,8 тоогоор төгссөн бол ГУРАВДУГААР сард

4,9 тоогоор төгссөн бол ДӨРӨВДҮГЭЭР сард

5,0 тоогоор төгссөн бол ТАВДУГААР сард тээврийн хэрэгслийн албан татвараа төлнө.