Азийн бөхчүүд олимпын эрхийн төлөө Бишкек хотноо хүч үзнэ
БНХАУ-ын Сианд гуравдугаар сарын 27-29-нд болох байсан Ази тивийн олимпын эрхийн эрэгтэй, эмэгтэй чөлөөт бөх, сонгомол барилдааны тэмцээнийг цуцалж, харин энэ өдрүүдэд Киргизийн Бишкек хотноо зохион байгуулахаар болов.
Энэхүү олимпын эрхийн тэмцээнийг зохион байгуулахаар Энэтхэг, БНСУ, Казахстан, Узбекстан улс нэр дэвшүүлсэн Дэлхийн бөхийн нэгдсэн холбоо /UWW/-ноос Киргиз улсыг сонгожээ. Хүлээн авч байгаа тал Хятадын бөхчүүдийг 14 хоног карантинд байлгасны дараа тэмцээнд оруулах зардлыг хариуцаж эмнэлгийн хатуу хяналтад байлгаж оролцуулах юм байна.
