Алт худалдан авалт өмнөх оныхоос 10 дахин нэмэгджээ
Монголбанк оны эхний хоёр сард 4.3 тн үнэт металл худалдан авсан бөгөөд хоёрдугаар сард 952 кг үнэт металл худалдан авчээ. Энэ нь өмнөх оны мөн үед 96 кг үнэт металл худалдан авч байснаас 856 кг-аар буюу бараг 10 дахин өссөн үзүүлэлттэй байгаа юм.Хоёрдугаар сард Дархан-Уул аймаг дахь Монголбанкны хэлтэс 16 кг, Баянхонгор аймаг дахь Монголбанкны салбар 18 кг үнэт металл тус тус худалдан авсан байна.
Монголбанкны 1 грамм алт худалдан авах дундаж үнэ өнгөрсөн сард 140,292.94 төгрөг байлаа.
