Таван эмэгтэй тутмын нэг нь дээд боловсролтой байна

Жил бүрийн гуравдугаар сарын 8-нд Олон улсын эмэгтэйчүүдийн эрхийг хамгаалах өдрийг тэмдэглэдэг. Монгол Улсад Эмэгтэйчүүдийн эрхийг хамгаалах өдрийг Ардын Их Хурал (АИХ)-ын тэгүүлэгчдийн 1955 оны 137 дугаар зарлигаар анх тэмдэглэж ирсэн билээ. Өнгөрсөн оны байдлаар Монгол Улсад оршин суугаа хүн амын 1 618.2 мянга нь эмэгтэйчүүд байна. Тэдгээрийн 4.3 хувь нь өрх толгойлсон бөгөөд 54 хувь нь сонгуульдаа идэвхтэй оролцдог. Монгол эмэгтэйчүүдийн дундаж нас 76 бөгөөд 5 эмэгтэй тутмын нэг нь дээд боловсролтой.

Харин 555.3 мянга нь ажил, хөдөлмөр эрхэлдэг бөгөөд тэдгээрийн сарын дундаж цалин 1 040.2 мянган төгрөг. Үйл ажиллагаа явуулж байгаа ААНБ-ын захирлуудын 36.7 хувь нь эмэгтэйчүүд байна.