Захирамж биелүүлээгүй иргэн, байгууллагыг торгоно
Худалдаа, үйлчилгээний байгууллагууд эрүүл ахуйн нөхцөл, шаардлага хангасан ариун цэврийн өрөөгөөр чөлөөтэй, үнэ төлбөргүй үйлчлэх талаар Нийслэлийн Засаг даргын 2019 оны есдүгээр сарын 30-ны өдрийн А/995 дугаар захирамж гарсан.
Хэрэв уг захирамжийг биелүүлээгүй тохиолдолд Зөрчлийн тухай хуулийн 6.17-д зааснаар иргэнийг 50 нэгж буюу 50 мянган төгрөгөөр, аж ахуйн нэгжийг 500 нэгж буюу 500 мянган төгрөгөөр торгон хариуцлага хүлээлгэх аж.
Хэрэв дээрх захирамжийг билүүлээгүй худалдаа үйлчилгээний байгууллагууд биелүүлэхгүй иргэдээс төлбөр авч байвал Нийслэлийн Мэргэжлийн хяналтын газрын 70128012 утсаар мэдэгдэж, гомдол гаргах боломжтой юм байна.
