Ван Гогийн зураг хулгайд алдагджээ

Цар тахлын улмаас хөл хорионд ороод буй Нидерландын Ларен хотын уран зургийн галерейгаас дээрх зураг алга болжээ. Ван Гогийн 1884 онд зурсан уг бүтээл “Хаврын цэцэрлэг” нэртэй. Нийслэл Амстердам хотын Гронингерийн музейн цуглуулгад багтдаг үнэт үзмэрийг уг галарейд зээлээр тавиад байжээ.

Хулгайн хэрэг гарах үед хамгаалалтын дохиолол хэвийн ажилласан ч цар тахлын үеийн дэг журам сахиулах ажилдаа дэндүү анхаарал тавьсан цагдаа нар хугацаа алдаж ирснээр гэмт хэрэгтэн зугтаж амжжээ.