Улаанбаатар-Нарита чиглэлийн тусгай нислэгийн хуваарьт өөрчлөлт орлоо

 УОК: Монгол Улсын иргэдээ Япон улсаас татан авах тусгай нислэгийг 04 дүгээр сарын 03-ны өдөр гүйцэтгэхээр товлосон байсан.Тэгвэл уг нислэгийн хуваарьт өөрчлөлт оруулж, 04 дүгээр сарын 02-ны 13:05 цагаас Улаанбаатар-Наритагийн чиглэлд нисч, орон нутгийн цагаар 19:00 цагт Токиод буух бол 04 дүгээр сарын 03-ны өглөө 08:30 цагт Нарита-Улаанбаатарын чиглэлд нислэг үйлдэн 13:05 цагт Улаанбаатарт буухаар болов.Тус нислэгээр ХӨСҮТ-ийн эмч нар, МХЕГ-ын Улсын байцаагч нар явах бөгөөд тусгай нислэгээр эх орондоо ирэх иргэд эмч, байцаагч нарын тандалт, асуумж судалгаанд бүрэн дүүрэн, үнэн зөвөөр хариулахыг УОК, ЭМЯ-аас анхааруулж байна.