Н.Номтойбаяр 2020 оны УИХ-ын ээлжит сонгуульд бие даан нэр дэвших хуулийн болзлыг хангажээ

2020 оны улсын их хурлын ээлжит сонгуулийн 29-р тойрог буюу Хан-Уул дүүргээс бие даан нэр дэвшиж буй Н.Номтойбаярын бичиг баримтыг өчигдөр буюу тавдугаар сарын 25-ны өдөр дахин шалгаснаар ямар нэгэн хууль бус зүйл байхгүй хэмээн үзжээ. Ингэснээр тэрээр албан ёсоор 2020 оны УИХ-ын сонгуульд бие даан нэр дэвших эрх бүхий батламжаа гардан авсан байна.

Тэрээр энэ тухайгаа өөрийн цахим хуудаснаа “Сонгуулийн ерөнхий хорооны тогтоол гарч миний бие Нямтайширын Номтойбаяр 2020 УИХ-ын сонгуульд ХАН-УУЛ дүүрэгт бие даан нэр дэвших хуулийн болзлыг хангалаа.

Бие даан нэр дэвшиж буй намайг дэмжиж 5 хоногийн дотор гарын үсгээ зурсан 31,041 сонгогч болон гарын үсгээ зурж амжаагүй ч дэмжихээ илэрхийлсэн мянга мянган залуучууддаа БАЯРЛАЛАА.

Жич: Хуульд зааснаар 6/2-нд сонгуулийн ажил эхэлмэгц ямар бодлого, шийдэлтэй ХАН-УУЛ дүүргээс УИХ-д нэр дэвшиж байгаагаа танилцуулна.” гэсэн байна.

Эх сурвалж Нямтайширын Номтойбаяр