Үүргийн онгоцоор ирсэн 3 хүний биеийн байдал хүнд байна

Өнөөдөр буюу 7 дугаар сарын 6-ны өдөр Эрүүл мэндийн яамнаас ээлжит мэдээллээ хийлээ. Тус яамны мэдээлэлд дурдсанаар үүргийн онгоцоор ирсэн 89 хүн цэргийн төв эмнэлэгт хэвтэн эмчлүүлж байгаа бөгөөд гурвынх нь биеийн байдал хүнд эрчимт эмчилгээний тасагт эмчлүүлж байгаа аж.

Мөн 119 дугаарт 154 дуудлага ирж, коронавирусын мэдээлэл, зөвлөгөө авсан бол Шуурхай аппликейшнд БНСУ, АНУ-аас Монгол Улсын гурван иргэн холбогдож коронавирусын эмнэлзүй болон илрэх шинж тэмдийн талаар мэдээлэл авсан байна. Орон нутгийн 17 чиглэлийн галт тэргэнд Төмөр замын эмнэлгийн 13 ажилтан ажиллаж 13 иргэнд шинжилгээ хийхэд коронавирус илрээгүй байна.