Боловсролын салбарын багц хуулийн төсөлд ирүүлсэн саналыг хэлэлцэж байна
Боловсрол, шинжлэх ухааны яамны удирдлагууд Боловсролын багц хуулийн төсөлд ирүүлсэн саналыг хуулийн төсөлд тусгах асуудлыг хэлэлцэж байна.
Хуулийн төсөлд санал авах ажлын хүрээнд нийт 36 мянган хандалт бүртгэгдэж, 17 мянга орчим санал ирүүлжээ. Боловсролын багц хуулийн энэ удаагийн шинэчлэлийн саналыг улс орон даяар нийт боловсролын салбарын ажилтан, багш, эцэг эх, олон нийтийн дунд өрнүүлж байгаагаараа онцлог юм.
Боловсролын салбар болон олон нийтийн ирүүлсэн саналыг төсөлд тусгаж, улмаар ирэх даваа гарагт буюу 2020 оны 12 дугаар сарын 14-ний өдөр 21 аймгийн багш нар, боловсролын салбарын ажилтан, албан хаагчдын дунд цахим хэлэлцүүлэг өрнүүлнэ.
