Нүхтэд цахилгаан эрчим хүчний хэрэглээ ХОЁР ДАХИН өссөн

Засгийн газрын өнөөдрийн хуралдаанаас цахилгаан, дулааны зохистой хэрэглээг хэвтрүүлж, хязгаарлалт тогтоох тухай журмыг танилцууллаа. Улсын хэмжээнд цахилгаан дулаан хэрэглэдэг 730 мянган хэрэглэгч бий бөгөөд Төрөөс төлбөр хариуцах арга хэмжээнд эдгээр хэрэглэгчдийн 728 мянга буюу 98 хувь нь хамрагдаж байна. Харин айл өрхийн хувьд 678 мянган хэрэглэгч бүгд төрөөс төлбөрөө даалгах юм. Засгийн газраас гарах хүндрэлүүдийг урьдчилж тооцоолж, эрчим хүчний хэрэглээ нэмэгдэхийг ч тооцоолжээ. Гэвч иргэд халаалт, тень залгах зэргээр цахилгааны хэрэглээ 2-3 дахин нэмэгджээ.

Засгийн газрын тогтоол гарснаас хойш хоёр хоногийн хугацаанд цаашид баримжаалж болох тооцоо хийгдсэн. Нийт хэрэглээний 96 хувь нь ахуйн хэрэглэгч байна. Тэр дундаа гэр хорооллын хэрэглэгчид. Орон сууц болоод ААН-ийн эрчим хүчний хэрэглээ 6-7 хувьтай байна. Хэрэглээ өсөж байгаа гэр хорооллын амины орон сууцны нэг хэсэг Нүхтэд байгаа. Нүхтэд цахилгаан эрчим хүчний хэрэглээ хоёр дахин өссөн байна. Ашигладаггүй байр, орон сууцаа халааж байна хэмээн Эрчим хүчний сайд Н.Тавинбэх мэдээллээ.