Нийслэлд орон сууцны үнэ 0.2 хувиар буурчээ
Улаанбаатар хотын төвийн зургаан дүүрэгт орон сууцны үнэ 2020 оны IV улиралд өмнөх оны мөн үеэс 0.2 хувиар, өмнөх улирлаас 0.3 хувиар буурсан байна. Харин 2010 оны эцсээс 78.7 хувиар өссөн үзүүлэлттэй байгааг Үндэсний статистикийн хороо мэдээллээ.
2020 оны арваннэгдүгээр сарын байдлаар нийслэлд захиалга авч буй шинэ орон сууцны төслүүдийн дундаж үнэ 2.51 сая төгрөг хүрч, өмнөх сараас 0.04 хувиар, өмнөх оны мөн үеэс 7.01 хувиар өссөн байна.
