ХХЕГ-ын даргаар бригадын генерал Ж.Бямбасүрэнг томиллоо

Хил хамгаалах ерөнхий газрын дарга бөгөөд хилийн цэргийн командлагчаар томилогдсон бригадын генерал Ж.Бямбасүрэн Ховд аймгийн уугуул, 1976 онд төрсөн, хилийн цэргийн залуу генералуудын нэг юм. Тэрээр ОХУ-д хилийн цэргийн академи төгссөн. ХХЕГ-ын ажлын албаны дарга, Захиргаа удирдлагын хэлтсийн дарга, Тамгын хэлтсийн дарга, хилийн 0286, 0151 дүгээр ангиудын захирагчийн албыг тус тус хашиж байгаад ХХЕГ-ын штабын даргаар томилогдон ажиллаж байжээ.