Эх оронч залуу үндэсний аян 2 дахь жилдээ

Залуучуудын байгууллага үүсч хөгжсөний 101 жилийн ойг тохиолдуулан “Эх оронч залуу”үндэсний аяныг Зэвсэгт хүчний жанжин штаб болон "Эерэг тэмүүлэл" ТББ-тай хамтран энэ сарын 11-ний өдөр зохион байгуулах гэж байна.

Аяны хүрээнд 21 аймаг, 9 дүүрэг, 330 сумын залууст сургалт хүмүүжлийн мэдээлэл хүргэх зорилготой. Сургалтыг цахим болон танхимаар зохион байгуулж, 7000 гаруй залуусыг хамруулах юм. Сургалтад их дээд сургуулийн оюутан болон цэргийн ангийн алба хаагчид оролцоно.

Цаашид залуусын дунд эх оронч сэтгэлгээг төлөвшүүлэх сургалт нөлөөллийн үйл ажиллагааг үндэсний хэмжээнд зохион байгуулахаар төлөвлөж байна.