Си Жиньпин Японд хийх айлчлалаа хойшлуулж магадгүй
БНХАУ-ын дарга Си Жиньпин коронавирусний халдварын тархалттай холбогдуулан Япон улсад хийх төрийн айлчлалаа хойшлуулж магадгүй гэж дипломат эх сурвалжууд мягмар гарагт мэдээлжээ.
Эх сурвалжуудын мэдээлснээр, Хятад улс халдварын тархалтыг хязгаарлахад гол анхаарлаа хандуулж байгаатай холбоотойгоор Бээжинд энэ сарын сүүлээр товлосон хоёр талын төлөөлөгчдийн урьдчилсан уулзалт болон далай тэнгисийн асуудлаарх уулзалтыг тус тус хойшлуулсан ажээ.
Си Жиньпин Японд ирэх дөрөвдүгээр сарын эхээр айлчлах төлөвтэй байсан юм. Абэ Шинзо уг айлчлалыгЯпон, Хятад бүс нутаг, дэлхий дахины энх тайван, хөгжил цэцэглэлтийн төлөөх үүрэг хариуцлагаа биелүүлж буйг илтгэх боломж хэмээн үзэж буйгаа илэрхийлсэн юм.
Хятадад лхагва гарагийн өглөөний байдлааркоронавирусээр үүсгэгдсэн уушгины хатгалгааны 24324тохиолдол бүртгэгдэж,уг өвчний улмаас нас барсан хүний тоо 490хүрсэн байна.
