Лэди Гага шинэ найз залуугаа олон нийтэд дэлгэлээ
Америкийн алдарт дуучин, поп хатагтай 33 настай Лэди Гага өөрийн шинэ найз залуугаа олон нийтэд дэлгэлээ. Тэрбээр өөрийн инстаграм хуудсандаа “Бид Майамид маш их хөгжилтэй байлаа. Бүх бяцхан мангас, фэнүүддээ хайртай шүү, та нар нь шилдэг нь” гэх тайлбартай хамт түүнтэй маш дотно тэврэлдэн авахуулсан зургаа байршуулсан юм.Мөн даваа гаригт болж өнгөрсөн “Super Bowl” тоглолтын дараа уг залуугийн хамтаар явж буй нь папарациудын дуранд өртжээ.
Түүний найз залууг Майкл Полански гэдэг бөгөөд хувийн бизнес эрхэлдэг, хөрөнгө оруулагч нэгэн юм байна. “LinkedIn” хуудсан дээр бичсэнээр Поланский нь Харвардын их сургуулийг төгссөн, Сан-Франциско хотод байрладаг "Паркер Группын" гүйцэтгэх захирал бөгөөд 10 гаруй жил тус албан тушаалын хашиж байгаа гэжээ.
