Дэлхийн нэр хүндтэй Ерөнхийлөгчөөр В.Путиныг нэрлэжээ
Дэлхийн олон орны иргэд оролцсон ерөнхийлөгч нарын талаар санал асуулгыг олон улсын “Галлуп” байгууллага явуулжээ.
Энэ үеэр Доналд Трампыг олонд танигдсан ерөнхийлөгчөөр нэрлэсэн бол Владимир Путиныг хүмүүсийн хүлээн зөвшөөрсөн нэр алдар нь өөрчлөгдөөгүй ганц улстөрч гэв. Олон улсын энэ байгууллагаас олны танил, алдартай улстөрчийг тодруулах зорилгоор 46 оронд хийсэн судалгаанд 50 мянга гаруй хүн хамрагджээ.
Судалгаагаар Владимир Путин 84, Доналд Трамп 89 оноо авснаар олны танил ерөнхийлөгчийн байр сууриа хадгалсаар байгаа аж. Тэднээс 77 оноогоор Германы канцлер Ангела Меркель, пап лам Франциско 76, Францын ерөнхийлөгч Эммануэл Макрон 73 оноогоор шилдэг таван улстөрчид багтсан байна. Харин олны танил биш улстөрчөөр Энэтхэгийн ерөнхий сайд Нарендра Моди, Бразилийн ерөнхийлөгч Жайр Болсонару, Ираны ерөнхийлөгч Хасан Рохани нарыг нэрлэжээ. Харин Владимир Путины нэр хүндийг олон оронд өндрөөр үнэлдэг байна. Тухайлбал, Казахстанд түүний нэр хүнд 86 хувь, Серб 85, Армен 80 хувь байна. Харин Иордан, Финланд, Өмнөд Солонгост сөргөөр үнэлдэг гэж судалгаагаар гарчээ.
Х.ОюунболдЭх сурвалж: “Зууны мэдээ” сонин
