Ариун цэврийн цаас дээрэмдсэн этгээдүүдийг барьж хорьжээ
Хутгаар зэвсэглэн супермаркетын хүргэлтийн ажилтнаас 50 гаруй боодол ариун цэврийн цаас хулгайлсан хэрэгтнүүдийг Хонконгийн цагдаагийн албан хаагчид баривчилжээ. Гурван хэрэгтний хоёрыг нь одоогийн байдлаар олж чадсан байгаа гэнэ.
Тэдний хулгайлсан 50 боодол цаас нь 220 орчим ам.долларын үнэтэй болох ба хэргийг яагаад үйлдэх болсон шалтгаан хараахан тогтоогдоогүй байна.
Харин албаныхан үүнийг коронавирусын дэгдэлт нэмэгдэж, хүмүүс айдас түгшүүртэй болж байгаагаас болсон хэмээн үзэж байна. Мөн гуравдагч этгээдийг эрэн сурвалжилж байгаа юм.
Хонконгийн ихэнх дэлгүүрүүд халдварын улмаас хоосорч, иргэд хэрэглээний бүтээгдэхүүнүүдээ их хэмжээгээр нөөцлөх болсон аж.
Түүнчлэн энэ талаарх мэдээлэл цацагдсаны дараа этгээдүүдийг 00-ын цаасны дээрэмчид хэмээн шоглосон сэтгэгдлүүд цахим орчинд хөвөрч байна.
