Шинчонжи сүмийн удирдагчдыг шалгаж эхэллээ
CoVid19 вирусийн тархалтыг нуун дарагдуулсан хэргээр БНСУ-д Шинчонжи сүмийн 12 салбарын удирдагчдыг шалгаж эхэллээ. Тухайлбал, нийслэл Сөүл хотын захирагч Пак Вон Сүн уг сүмийн тэргүүлэгчдийг хүн амины хэрэг, халдварт өвчнөөс урьдчилан сэргийлэх, зохицуулах тухай хууль зөрчсөн хэмээн прокурорт гомдол гаргажээ. Сүмийг үндэслэгч И Ман Хы болон бусад 11 хүнд хэрэг үүсгээд байгааг прокурорын газраас мэдээллээ.
Тус улсад өнөөг хүртэл CoVid19 вирусийн 3 730 тохиолдол бүртгэгдэж, 21 хүн нас баржээ. Бүх халдварын талаас илүү хувь нь Шинчонжи сүмийн гишүүд болон сүмийн хүрээллээс халдвар авсан хүмүүс байгаа юм.
