Газрын тосны тээвэрлэлтийг нээнэ
Петрочайна Дачин Тамсаг компанийн газрын тосны тээвэрлэлтийг нээхээр Засгийн газраас шийдвэрлэв. Хорио цээрийн энэ үед дээрх асуудалтай газар дээр нь танилцаж шийдвэрлэхээр Шадар сайд Ө.Энхтүвшин ойрын хугацаанд Дорнод аймагт ажиллахаар болжээ. Газрын тос тээвэрлэх машинууд хил нэвтрээд орж ирэхдээ халдвар тараах эрсдэлтэй гэж үзэж, тээврлэлтийг түр зогсоогоод байсан. Тэгвэл эрүүл мэнд, халдвар хамгааллын дэглэмийг сайтар сахиулсны үндсэн дээр тээвэрлэлтийг нээхээр болсон байна. Аймгийн МХГ-аас Петрочайна Дачин Тамсаг компанид шаардлага хангахуйц ариутгалын пункт барих үүрэг өгсөн гэж мэдээлэв.
Засгийн газраас эдийн засгийг эрчимжүүлэх зорилгоор шинэ төрлийн коронавирусний халдвараас урьдчилан сэргийлэх үүднээс зогсоод байсан түүхий нүүрсний экспортыг үргэлжлүүлэхээр шийдвэрлэсэн билээ.
