Азийн хөрөнгийн зах зээл дахин уналаа
Шинэ төрлийн корона вирусийн тархалт тэлж байгаатай холбоотойгоор олон улсад хөрөнгийн зах зээлийн үнэлгээ унаж байна. Өнгөрсөн нэг хоногт Азийн улсуудын хөрөнгийн биржийн индексүүд дахин огцом унажээ.Японы “Никкей”-н индекс өнөөдөр үдийн завсарлага гэхэд өмнөх өдрийн мөн үеийнхээс 2.72 хувиар унажээ. Хөрөнгө оруулагчид Төв банкийг хөрөнгийн зах зээлийн уналтыг зогсоох арга хэмжээ авахгүй байгаад сэтгэл дундуур байна гэж ВВС агентлагийн мэдээлэлд дурджээ.
Хонконгийн “Hang Seng” индекс үдээс хойш 2.3 хувиар унаад байна.
Вирусийн дэгдэлт Азийн хөгжиж буй эдийн засаг, ялангуяа аялал жуулчлал, бизнесийн харилцаа холбоонд маш хүнд тусаж байгаа талаар Азийн хөгжлийн банкны мэдэгдэлд дурджээ.
Дэлхийн хэмжээнд хөрөнгийн зах зээлийн үнэлгээ 77 тэрбумаас 344 тэрбумд хүрээд байгаа бөгөд энэ нь дэлхийн ДНБ-ий 0.1-0.4 хувьтай тэнцэх дүн юм байна.
