Лас Вегас хотын бүх казино хаагдлаа
Невада мужийн амбан захирагч Стив Сайсолак коронавирусийн тархалттай тэмцэх ажлын хүрээнд Лас Вегас дахь бүх казиног хаах шийдвэр гаргасан тухай Associated Press мэдээлэв.Гуравдугаар сарын 18-наас томоохон казино төдийгүй автомат тоглоомын машинууд ч хаагдаж байна. Түүнчлэн паб, цэнгээний газрууд үйл ажиллагаагаа зогсоож ресторанууд зөвхөн хүргэлтийн хоолоор үйлчлэх болж байна. Сайсолак худалдаа үйлчилгээ эрхлэгчдэд хандан дээрх шаардлагыг нэн даруй хэрэгжүүлэхийг уриалав.
АНУ-д 6.5 мянган хүн коронавирусаар халдвар авсаны 114 өвчтөн нас баржээ.
