Чөлөөлөх дайны байлдааны ялалтын 75 жилийн ойн медаль ахмад дайчдад гардуулав
Чөлөөлөх дайны байлдааны ялалтын 75 жилийн ойн хүрээнд Чингэлтэй дүүрэгт оршин суудаг ахмад дайчин Чойжилын Лувсандорж, Хандын Осор, Лувсангийн Ерөөлт, Баастын Рагчаа, Сангидорж Ванчигдоо нарт ОХУ-ын ерөнхийлөгч Владимир Путины зарилгаар ялалтын 75 жилийн ойн медаль, гарын бэлгийг гардууллаа.
Тус арга хэмжээнд ОХУлсаас Монгол Улсад суугаа элчин сайдын зөвлөх Евгений Витальевич, Чингэлтэй дүүргийн Засаг даргын Тамгын газрын Цэргийн штабын дарга, хурандаа Ж.Даваарагчаа нар дайнд оролцсон ахмад дайчдад ойн медаль гардуулж, баяр хүргэлээ. Ойн медалийг ахмад дайчдын гэрээр очиж хүндэтгэл үзүүлж гардуулсан юм.
