Д.Нямхүү: Сайхан мэдээ, 4 хүн эдгэрч гарлаа

ХӨСҮТ-ийн захирал Д.Нямхүү ЭМЯ-ны ээлжит мэдээллийн үеэр дараах мэдээллийг өглөө. Тэрбээр "2020 оны 5 дугаар сарын 25-нд ХӨСҮТ, Дархан хотын салбар лабораторид нийт 193 хүнээс шинжилгээ авсан, коронавирус илрээгүй. Үүнийг задалбал, ХӨСҮТ-18, 5 дугаар сарын 14-д Алтанбулагийн боомтоор орж ирж ахмадын сувилалд байсан 24 хүнд давтан шинжилгээ хийсэн. Ингэхдээ 12 хоногт 2-3 удаа шинжилгээ хийж хяналаа.

Мөн Дорноговь аймгийн боомтоор орж ирсэн тээврийн 17 жолоочоос шинжилгээ авлаа халдвар илрээгүй. Дархан хотын 19 жолооч, Эрдэнэт хотын 103 хүнээс тус тус шинжилгээ авахад коронавирус илрээгүй.

Өнөөдөр Москвагаас ирсэн 4 оюутан эдгэрч дараагийн шатлалд шилжсэн. Тэд 42-43 хоногийн хугацаанд эмчлэгдээд гарлаа.

Одоо ХӨСҮТ-д 104 хүн эмчлүүлж байгаа бөгөөд 37 нь эмчлэгдээд гарсан

Өнөөдөр ирсэн 171 хүнээс 6 хүнийг ХӨСҮТ-д тусгаарлаж бусад иргэдийг “Альфа”, “Дрийм” “Зүчи” зочид буудлуудад 21 хоног тусгаарласан" гэв.