Засвар угсралтын цех 30 бүтээлч ажил хийнэ
Энэ онд Засвар угсралтын цехийн 30 жилийн ой тохионо. Тус хамт олон үйлдвэрлэлийн үйл ажиллагаа, цехийн тохижилт, бүтээн байгуулалт, хамтын ажиллагаа, урлаг, спорт, соёл олон нийтийн болон бусад чиглэлээр 30 ажил санаачлан хийх үйл ажиллагааны төлөвлөгөө гарган ажиллаж байна. Энэ хүрээнд “Манлайлагч хамт олон -2021” жилийн аян, “Эрүүл мэнд эрхэм баян” хөтөлбөр, “Жаргалтай гэр бүл”, “Ачлал”, “Гэрэлт ирээдүй” сэдэвт зорилтот ажил хийхээр бэлтгэлээ хангаад байна, гэж Хүний нөөцийн мэргэжилтэн Ц.Цолмон мэдээллээ.
Засвар угсралтын цехийн хамт олон өнгөрсөн онд ажил, үйлчилгээний төлөвлөгөөг 105 хувиар биелүүлж, зардлыг 1,5 хувиар хэмнэж ажиллажээ.
Тус цех нь үйлдвэрийн газрын технологийн тоног төхөөрөмжийн угсралт, тохируулга, их ба урсгал засвар, металл хийц, стандартын бус тоноглолын бэлдэц хийж суурилуулах, цахилгаан байгууламжийн тоног төхөөрөмж, кабель шугамыг солих, тэдгээрийн тохиргоо хяналтын ажил, өргөн тээвэрлэх машин механизмын механик болон цахилгаан тоноглол, үйлдвэрлэлийн салхивч-агааржуулалтын тоног төхөөрөмжийн угсралт, тохируулга зэрэг ажил үйлчилгээг бусад бүтцийн нэгжүүдэд үзүүлэх үндсэн чиг үүргээ амжилттай гүйцэтгэн ажиллаж байна.
