Завхан аймагт эмнэлгийн ор хүрэлцэхгүй байна
Завхан аймгийн төв болон зургаан суманд коронавирусийн 226 халдвар бүртгэгджээ. Тус аймгийн халдварын голомт нилээн дэлгэмэл шинжтэй болсон бөгөөд өчигдрийн байдлаар 6 малчин халдвар авчээ. Тосонцэнгэл, Их-Уул, Улиастай суманд халдвар нөхцөл байдал хамгийн хүнд байна. Их-Уул суманд өчигдрийн байдлаар 27 ор дэлгэсэн бол Тосонцэнгэл сумын эмнэлгийн ор дүүрсэн учир өчигдөр хоёр спорт зааланд нийт 60 ор дэлгэжээ.
