Британи Уханиас иргэдээ татлаа
Өнөөдөр Их Британийн засгийн газрын шийдвэрээр коронавирусын голомт гэгдэж буй Ухань хотоос өөрийн 83 иргэнээ болон 27 гадаадын иргэнийг буцаан татан авах нислэг үйлдэж буй тухай эх сурвалжууд мэдээлж байна.
Онгоц Уханиас 9.45 минутад хөөрсөн болохыг иргэний агаарын тээврийн компаниас баталсан юм. Английн бүс нутгийн цагаар 13 цагт газардах ба үүний дараа ЕХ-д оршин суудаг бусад иргэдийг хүргэхээр Испанийг зорих гэнэ.
Түүнчлэн Британийн Гадаад хэргийн сайд Доминик Рааб “Иргэдийн аюулгүй байдлыг хангах ажиллагаа бүрэн явагдаж байгаа, мөн тэдний дамжин өнгөрөх бүх замыг нь ариутган, цэвэрлэсэн” гэв.
