Н.Төгсцогт мэргэжлийн боксын анхны ялагдлаа хүлээлээ



АНУ-ын Пенсильвани мужийн Аллентаун хотын “PPL Center” спортын ордонд мэргэжлийн боксын WBC холбооны 57 кг-ийн жингийн дэлхийн аваргын тулаан өндөрлөлөө. Монголын тулаанч Н.Төгсцогт уг тулаанд өдөн жингийн дэлхийн аварга Гари Рассельтай тулж 115-113 онооны харьцаагаар ердөө 2 онооны зөрүүгээр ялагдал хүлээлээ.
Гари Рассель 1, 2, 3, 4, 7, 8, 11 гэсэн 7 үеийг 10 оноотой илүүрхэж дуусгасан бол Н.Төгсцогт 5, 6, 9, 10, 12 гэсэн 5 үеийг 10 оноогоор тэргүүлж дуусгасан юм.

Дэлхийн аваргын бүсийг эзэмшигч Гари Рассель карьертаа 30-1 (18-д нь өрсөлдөгчөө хүнд цохилтоор ялсан) гэсэн амжилттай байсан бол ийнхүү 31-1 болж 2012 оны Лондонгийн олимпын мөнгөн медальт Н.Төгсцогт нэг ч ялагдал хүлээгээгүй 11-0 (9-д нь өрсөлдөгчөө хүнд цохилтоор ялсан) гэсэн амжилттай явсан бол анхны ялагдлаа хүлээлээ.скачать dle 12.0

Холбоотой мэдээ

Сэтгэгдэл үлдээх